ԱԻՄ առաջնորդ Պարույր Հայրիկյանը դեռ հստակ որոշում չունի, բայց ամենայն հավանականությամբ՝ սեպտեմբերի 8-ին, նախագահական նստավայրի դիմաց հացադուլ կսկսի` իշխանության հրաժարականի պահանջով:
Ըստ նրա, իշխանությունների ձախողումներն ակնհայտ են եւ քանի որ ՀՀ իշխանություններն այդքան բարոյական արժեքներ չունեն, որ ինքնակամ ընդունեն իրենց ձախողումներն ու հեռանան` Հայրիկյանը պատրաստվում է պարտադրել նրանց այդ հրաժարականը: Ճիշտ է, իր զինակիցների մի մասը կողմնակիցը չէ իր հացադուլին, քանզի այն կարծիքին են, որ հացադուլն արժեզրկված միջոց է. «Հատկապես վերջերս, անունը չեմ ասում, թե ո՞ւմ կողմից»:
Բայց, ըստ Հայրիկյանի, հացադուլի անհրաժեշտության պատճառներից մեկն էլ այն է, որ անարձագանք է մնացել ԱԻՄ-ի նամակ-հայտարարությունն ուղղված նախագահին: Իր հացադուլից հետո, ըստ Հայրիկյանի, նախագահն ուղղակի չի կարող հրաժարական տալ: Ավելին, նա վստահ է, որ նախագահն արդեն հրաժարական տվել է`չարձագանքելով ԱԻՄ-ի նամակին. «Հա, դեռ չի հայտարարել: Ոչինչ, միասին դրա ականատեսն էլ կլինենք»:
Aravot.am-ի հարցին` կարծում է իշխանությունն առանձնապես կհուզվի՞, որ Հայրիկյանը հացադուլով իր հրաժարականը պահանջի, եթե նկատի առնենք այն, որ այդ պահանջով տարբեր մարդիկ ու ուժեր են հանդես եկել ու իրենց ցանկալի արդյունքին չեն հասել, Հայրիկյանը պատասխանեց. «Հրաժարականի մասին քառյակն է խոսել, հետո պարզվեց, որ իրենք ներքին խնդիրներ ունեն, իրենք էլ ասում են`դուք գնացեք`մենք գանք: Ընտրություններից հետ մարդիկ արդարացի են խոսել հրաժարականի մասին: Վերջին տարիներին մենք`ԱԻՄ-ը, հրաժարականի մասին չենք խոսել: Կհուզվեն, թե չեն հուզվի`չգիտեմ: Բայց բոլոր նորմալ մարդիկ պիտի հուզվեն: Իրենք չհուզվեն` իրենց կստիպեն կհուզվել: Ես ձեւը գիտեմ, թե ովքեր եւ ինչպես»:
Լրագրողներից մեկի հարցին`այժմ, ադրբեջանական դիվերսիաների այս շրջանում ճիշտ ժամանա՞կն է իշխանության հրաժարական պահանջելու, Հայրիկյանն ասաց. «Դիվերսիաները եղան ու հենց դրա համար էլ պիտի հրաժարական տան»:
Ի դեպ, Պարույր Հայրիկյանն ասաց, որ այսօր հանդիպելու է նաեւ վարչապետ Հովիկ Աբրահամյանի հետ` քննարկելու համար Ծիծեռնակաբերդի հուշահամալիրի տարածքից արցախյան պատերազմում զոհվածների շիրիմները Կոմիտասի եւ Եռաբլուր պանթեոն տեղափոխելու հարցերը:
Այլ մանրամասները`տեսանյութում
Աղբիւր՝ Aravot.am
Որոնում
Վերջին տեսանիւթեր
Պարոյր Հայրիկեանի ասուլիսը ՀԱՅԱՑՔ ակումբում, 13-ը ապրիլի 2016 թուական
Համախմբում ալընտրանքային նախագծի շուրջ՝ Սահմանադրական դավադրությանը «ոչ» ասելու համար
Ովքե՞ր էին դեմ անկախությանը. հռչակագրի ընդունումից 25 տարի անց Հայաստանի անկախությունը վտանգված է
Պարոյր Հայրիկեանի ասուլիսը ՊՈՍՏ ՍԿՐԻՊՏՈՒՄ ակումբում 28-ը ապրիլի, 2015 թուական
Նույն է, որ սիրո առաջարկ անողին կալանավորեն բռնաբարության փորձի համար. Հայրիկյան
P.S. Հյուրը Պարույր Հայրիկյանն է
Պարոյր Հայրիկեանի ասուլիսը ՀԱՅԱՑՔ ակումբում 10-ը մարտի, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում, 14-ը փետրուարի, 2015 թուական
Պարոյր Հայրիկեանի ասուլիսը յունուարի 31-ին, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում 13-ը նոյեմբերի, 2014
